2012-04 獨闖金門

原來清明呢幾日假期 攞幾日就可以放到好多日 之前粉絲介紹過話金門好正 臨時決定走去玩幾日 因為係即慶 乜都冇訂到 只係網上挖左一d料 同埋口講口賠咁依貓左金門一間客棧話會去住 2號一放工 就咁上左去羅湖當自己係貨咁坐大巴 3號朝早上左去廈門 跟手坐船去到金門 水頭碼頭 終於搵到間客棧 就咁係金門踩左幾日單車同行路 成個人都散晒 但係又好滿足咁玩過大半個大小金門 當然 其中兩日都係去左行山架 冇OT到 金門最高既太武山 小金門最高既麒麟山 都上左去啦 可惜個天好濛 同埋落雨 影唔到相 網上可以搵到好多文章 都係話金門乜都冇 冇錯金門真係乜都冇 冇夜市 冇大百貨公司 冇ktv 冇大多數熱門旅遊地方既服務 冇乜名貴買同食 但係呢到有既係淳樸 友善 安全 同埋一種清新 呢到充滿著一種唔知點講既文化 對面已經革走左啦 大家快d趁住呢到未俾d旅行團搞到污煙障氣之前 去感受下啦 去片

2012-04-02 前奏

今日一放工 咁就上左去羅湖 係商業城坐車去廈門 以為係有一個正式既賣飛窗口 點知係個體戶來 呢個唔係偶然但都會係必然 因為僑社個便已經冇飛 清明節 實在太多人返廈門 終於將自己當係貨咁出發 當心態擺正左之後 一於隨遇而安 加上啤左一啤 雖然係轉左幾轉車 仲要冇得攤低 終於都去到廈門

2012-04-03 登陸 山外遊

一早到左廈門 司機就咁搵個巴士站就將所有人放低 好彩呢到好近東渡碼頭 一野跳上部的士 16人仔到訂 碼頭d服務真冇得頂 160人仔買到船飛 連台幣都有得唱 旅遊既心情終於全面爆發 係 mos burger 來個早餐 relax 下 過關好輕鬆 感覺好似去澳門咁 一路影一路上船 位任坐 到左金門 順利過關 一出就係旅遊中心係咁攞料同埋地圖 等到7號公車去金城 7仔飲枝野 再轉1a去夏興客棧 搵到陳老師 佢叫我放低背囊 跟手車我去山外借單車 佢好好人 知我一個人唔放心證件 主動用佢個身份證出車 一個人出車 先喺山外望下 跟手踩去 八二三戰史館同+榕園 跟手返山外食午餐 再踩去山后 東割灣 可惜快天黑 冇上獅山 天黑前返到山外 四圍睇 再食個 抄米粉當晚餐然後踩返民宿覺豬

2012-04-04 金門城之旅

尋日踩左大半日單車 加上之前唔夠訓 有d腳軟 原本想話去金城鎮坐觀光車 點知一睇到個行程 原來去得好少地方 十五十六 一於去到先至算 去到金城鎮 先搵地方食野 點知餐d俾架失魂車轆死 驚未過 求其食個漢堡咖啡就算 地圖都冇睇亂咁行 又咁橋行左去總兵署 貞節牌坊 菜市場 四圍影下 見仲有力 決定都係踩單車 就咁行返去 金城車站 點知阿姐仔話單車已經光光啦 要去莒光樓先有 拿拿淋 好快行到去莒光樓 順利借到架靚靚單車 當然仲要係呢到睇左影左一輪 然後先至正式出發 先去金城鎮 買定飲品 跟手出發 先去金門城 文台寶塔 再去翟山坑道 歐厝 睇左影左一輪 再轉去 古崗樓 最後沿路返水頭 得月樓 真係踩到腳軟 影到手軟 金門好難搵野食 好在水頭有間 金道地 醫到個肚 食返個好好味既蚵仔煎再加個蚵仔麵線 蚵一史 音咪呢 飽飽後返莒光樓交車 再返金城鎮行下然後坐公車返夏興 再上單車去山外四圍遊 食過晚飯 最後踩返客棧咯豬

2012-04-05 太武山 沙美 風獅爺

新聞話今日會翻風有雨 不過唔係太勁一於照計劃出發 緊係行下山 晨早就由夏興上山 監生連人帶車推上太武山 頂住都幾密既雨 沿玉章路登山 成身都濕立立 相唔影得多 主要探下倒影塔 毋忘在莒 金印寺 等等 上到頂 沿路飛車落山 跟手踩過去沙美食個美味早餐 然後係呢到四圍遊同食下野 睇到夠 之後踩過去瓊林探下坑道 影下古厝同一門三節牌坊 然後踩過去金寧安歧搵大風獅爺 可惜搵唔到 唯有係7仔加油 7仔個 哥哥仔話大風獅爺係機場 唔理啦一於踩過去 原來最大既風獅爺 就係機場後面個山上面 環保公園裡面 裡面有好多風獅爺石雕 個公園應該改名先至岩喎 影到夠曬皮 最後死死下 踩返山外交單車 一回氣即刻上公車 再出金城睇坑道 然後來夜遊後蒲 先至坐公車返夏興休息

2012-04-06 漫步小金門[烈嶼鄉]

踩左幾日單車 今日決定行下就算 照原定計劃過小金門 又係一早坐公車 點知今日 公車因為整路改道 唔停夏興 等左半個鐘先至有車 遲總好過冇 不過因為咁 食唔到早餐 車接車 去到水頭 又係再接住有船 又食唔到野 餓死啦 好快去到小金門 呢到又叫做烈嶼 原來九宮碼頭 都係冇野食 一於頂硬上 先去九宮坑道 原來一出來就係 羅厝漁村 搵左一輪 都係冇食店 好在有間超市 又好在 有位姐姐仔 帶我去寫字樓加熱水食杯面 終於搞掂個肚 正式出發 沿九井路漫步 先行去東林 原來呢度係全島最旺既地方 終於有食店再食下野 然後由南至北 先後探過 文化館 國姓井 北風爺 風雞 去到湖井頭 參觀完 沿單車徑行 參觀 紅土溝 貓公石 睇完勇士堡 跟手搵路行上麒麟山 最後沿車路落碼頭 又車又船 返到金城鎮 見到仲有時間 一於再坐公車去古寧頭 參觀完戰史館 再行出去林厝 睇埋胡璉將軍紀念館 趁住假期完多d鋪開門 再喺金城鎮行夜街 食晚飯 終於 食到 麵線羹 炸蚵爹 最後買埋滷味啤酒返客棧宵夜 預備聽日再同返深圳d巴士決戰

2012-04-07 回家

去程坐過個體戶大巴 真係好擔心 今日一早就上公車 馬不停蹄直去水頭碼頭 好在買船飛同埋過關都好輕鬆 0830開船 一個鐘去到廈門 再感受到廈門人既良好質素 一出關 櫃位既姐姐問唱唔唱人仔 順便問佢去湖濱南既交通 佢就介紹隔離姐姐 原來可以買埋深圳巴士飛 舒服晒...晒 架車開1220 佢仲教我坐L5巴士去白鷺洲公園行下 佢見我冇散銀 收少我五毫 留來坐車 仲帶我出去巴士站 原來佢唔話都唔知 外面乜指示都冇個度 有個巴士站 落左車 行左一陣 行過去天湖苑 湖濱南路 附近 搵野食 跟手上車 原來有規範同埋正式既大巴係舒服咁多既 真一個天一個地 小姐話 2100 直達深圳 途中唔停站 1130 食過少少野咁咪餓死 好在大既1800 係鱟門有包餐 2030 去到深圳 即刻過關返屋企 完成呢次獨闖金門之旅