所以唔理 3x7=21 明知今日會有狂風雷暴,
一於照去
為左想由頭到尾行一次, 所由跑馬地從頭來過
亦因為咁, 發現左一件令人髮指既事......
真係晴天霹靂, 我仲以為行錯路
睇真d, 有冇搞錯 竟然冇左舊石
唔見左舊石, 個心仲係忐忑不安
加上冇遮, 成身濕晒 相又影唔到
終於呆呆下行左上次冇行既地利根德里,
約兩個鐘就由跑馬地行到舊山頂道
地圖上由地利根德里經張保仔古道去克頓道係最快既選擇
多年前行過一次, 印象模糊, 剩係記得條路好多石
點知唔為意落雨哩個因素既影響, 條路都幾危險
加上沿路都有好多段曾經有山泥傾瀉, 真係一步一驚心
最慘係行到尾去到當日618現場先至發覺條路俾地盤封左
最後唯有直剷落寶珊道行去克頓道
呢段係全日最正既路, 因為雨停左, 仲聽到蟬叫
加上係由好辛苦既張保仔古道轉入可以放心大步行
既車路, 心情都唔同
行到來呢到都叫做完成呢次尋找維多利亞城界石之旅
但係心情都係唔係太好, 估唔到我做左失去集體回憶
既見証人. 其實沿路都仲有好多好特別既野好睇,
請待下回分解
********************************************************
總結這個旅程...
行維多利亞城界石的路線可以千變萬化
我選擇既路線是:
1.由黃泥涌道界石起步沿藍塘道上,
沿右面往上既行人道接大坑道,
過了黃泥涌峽道和司徒拔道既迴旋處後,
過馬路對面就係寶雲道入口,
呢段約小過一個鐘頭
2.見到寶雲道界石後沿寶雲道行
接灣仔峽道左轉上山接甘道,
我貪佢小車好行d, 接馬己仙峽道一路落
呢段約大過半個鐘頭
3.見到七號石遺址後, 沿馬己仙峽道左面
行人路落轉入梅道, 欣賞完纜車後, 轉入
地利根德里再前行就係舊山頂道
我當日行到來大既要兩個鐘頭
4.離開舊山頂道界石後向下行左轉入
張保仔古道, 呢段路地圖上計係最直接
到克頓道既小徑, 但係比較崎嶇, 途中有好多段會係
行一d 碎石面路, 如果係落雨會好跣,
加上沿路有好多段曾經山泥傾瀉, 再加上
我當日行到 618 現場先至發覺有地盤封左路,
所以我唔推薦大家行.
雖然會遠 d 我推薦大家落舊山頂道行香雪道轉干德道
上寶珊道見到小天橋上樓梯就係克頓道
再遠d, 如果未行過既, 可以上舊山頂道, 轉盧吉道
接落克頓道都得
我當日行到來克頓道大既要三個鐘頭
5.影左相, 拜拜克頓道界石後, 我選擇往上行
途中會見到路牌指往蒲飛路, 沿車路行到尾,
會有路牌指往薄扶林道, 出口係薄扶林道油站
再轉左沿行人路上就會到84薄扶林道
當年前人記錄的燈柱號碼已經左做 48907
6.離開薄扶林道界石, 走入前人所講既行人道
即係我地話既隧道, 過對面馬路, 因為地圖上
最近既路線係由昭遠墳場路落觀龍樓, 但係因為
冇明確既小徑可以落山, 所以都係現場觀察.
上左摩星嶺道天橋, 個境好開揚, 見到有一條樓梯
連接墳場路落觀龍樓A座. 順利落左堅尼地城,
過左 巴士總站影左東華痘局遺址, 再前行到西寧街
見到界石完成旅程
全程大既要半日多d :)
唔好彩既係 1. 上藍塘道個陣時吹爛左把遮
2. 七號石唔見左 有種好似未能完成既感覺
好彩既係 1. 全日都冇落過好大既雨 但係d雨都係搞到個身濕晒
2. 係張保仔古道冇跌死
完成左一個心願 :)
沒有留言:
張貼留言